Një klub i Katarit ka bërë një ofertë për Mesut Ozil në ditën e fundit të afatit kalimtar, por Arsenali bllokoi lëvizjen pasi ata nuk kishin kohë për të gjetur një zëvendësim, sipas The Mirror.
Ozil raportohej se ishte i gatshëm të dëgjonte ofertat nga klubi i Lindjes së Mesme, siç ishte edhe trajneri i Arsenalit, Mikel Arteta, megjithatë klubi u tërhoq nga marrëveshja e mundshme.
Gjermani aktualisht po merr një pagë të madhe te Arsenali, kështu që Arteta mendohet se ka dëshirë ta transferojë atë diku tjetër, përcjell lajmi.net.
Megjithatë, ata do të duhet të presin deri në verë ose më gjatë.
Klubi i MLS DC United kohët e fundit ka zhvilluar bisedime të reja me përfaqësuesit e Ozil ndërsa ata kërkojnë blerjen e tij në vitin 2021.
Ai ka luajtur më shumë nën Arteta sesa me Unai Emery, por nuk ka shënuar gjatë gjithë sezonit dhe ka vetëm një asistim në Premierligë, dhe një në Kupën e Ligës.
