Ish-deputeti i Kuvendit të Kosovës, Gani Geci, përmes një shkrimi në Facebook, njofton së sot është takuar me deputetin e zgjedhur të Lëvizjes Vetëvendosje, Haki Abazi.
Geci thotë se dyshimi i Lëvizjes Vetëvendosje është se edhe nëse Glauk Konjufca jep dorëheqje nga pozita e kryetarit të Kuvendit, LDK-ja nuk do të bënë koalicion me partinë e Albin Kurtit.
Ai thotë se edhe vet kryetari i LDK-së, Isa Mustafa, është person që i qëndron prapa fjalës dhe marrëveshjeve, dhe krejt në fund Geci premton se do të jetë në LDK gjithmonë.
Ja shkrimi i Gani Gecit:
Të dashur miq,unë Haki Abazin e kam mik edhe para se ai te ishte në VV dhe jam takuar me të, sot kemi pi kafe së bashku me të në një kafiteri në Prishtinë, në këtë kafiteri kishte qenë edhe Berat Buzhala, e thirra dhe Beratin erdhi në tavolinën tonë. Dhe dyshimi i VV ishte se edhe nese Glauk Konjufca jep dorëheqje LDK nuk do të bënë koalicion me VV dhe duke ditur vendimin e Këshillit të Përgjithshëm dhe ofertën e LDK-së të datës 8 Janarit unë i thashë Hakisë, nëse ju te VV plotësoni kërkesën e LDK-së të datës 8 janar 2020 dhe LDK nuk bënë koalicion me juve ateherë flasim pas dates 4 Shkurt, Berati e ka dëgjuar këtë bisedë dhe unë e di që LDK por edhe vet Isa Musatafa është person që i qëndron prapa fjales deh marrëveshjeve dhe unë do të jem ne LDK gjithmonë.
