Një vjedhje është regjistruar në mes të Durrësit ditën e mërkurë, kur një djalë në moshë të re, i ka rrëmbyer nga qafa varësen e floririt një gruaje të moshuar.
“DurrësLajm” ka siguruar pamjet e hajdutit gjatë momentit të vjedhjes. Ai, i veshur me atlete, tuta e bluze të errët si dhe me syze, i ka marrë një zonje varësen, teksa ajo ndodhej në lokal e ulur jashtë së bashku me një zonjë tjetër.
Dëshmitarët në vendngjarje, thanë për “DurrësLajm” se dyshohet se autori kishte edhe një bashkëpunëtor tjetër, pasi u pikas nga lëvizjet e shpeshta të dyshimta që përshkoi në atë rrugë.
Pasi i është afruar dhe i ka pyetur gratë se “Si jeni” thjesht për t’i tërhequr vëmendjen, i ka këputur varësen dhe ia ka mbathur me vrap.Ngjarja ka ndodhur në një lokal pranë kryëzimit te pallati i sportit.
Ndërkohë, burime nga policia thanë se për rastin në fjalë janë kryer veprimet dhe ka nisur puna për kapjen e autorit.
