Haxhi Kabili është një prej të mbijetuarve të tërmetit të fortë me pasoja shkatërrimtare që ra mëngjesin e djeshëm në Shqipëri.
Edhe pse ka arritur të dalë nga rrënojat, ai nuk po mund të gjejë qetësi, pasi që nën rrënoja ka mbetur vajza e tij.
Ai shprehet se gruaja e tij ndodhet në gjendje të vështirë në spitalin e Traumës, por ende ka besim se mund të gjejë gjallë vajzën e tij.
Sipas Haxhiut, të shoqen e gjeti në fund të shkallëve dhe ajo tashmë ka plagë të rënda e probleme me legenin.
Sa i takon mënyrës së shpëtimit, burri për “Fax”, se arriti të dilte vetë nga rrënoja.
Ai shprehet se nën rrënoja ka pastruar vetë tullat deri sa ka gjetur një vrimë dhe ka mundur të shpëtojë.
“Sapo ndjemë tërmetin, kërkuam që të dilnim por nuk mundëm. Banonim në katin e katërt, vajzën e kam nën rrënoja. Kam pastruar vetë tullat dhe kam dalë. Gruan e kam gjetur në fund të pallatit, vajzën nuk kam mundur që ta gjej, gruaja ka dëmtime më të rënda në pjesën e legenit, ndodhet në Trauma në Tiranë”, ka thënë ai.
