Kombëtarja e Kosovës në futboll ka shënuar ngritjen më të madhe në renditjen botërore të FIFA-s.
Shtëpia më e madhe botërore e futbollit, FIFA, sot ka publikuar renditjen e përditësuar të kombëtareve, transmeton Insporti.
Kombëtarja e Kosovës tani është ngjitur në pozitën e 114-të, nga pozita 119 që kishte muajin e kaluar.
Kosova vazhdon të shënojë ngritje historike në këtë renditje, pasi që edhe në renditjen e publikuar në shtator pati ngritjen më të madhe të saj.
“Dardanët” kështu janë ngritur për 5 pozita, pas ndeshjeve që i zhvilluan në muajin tetor.
Kosova në tetor e zhvilloi një ndeshje miqësore, atë kundër Gjibraltarit, derisa ndeshje zyrtare luajti me Malin e Zi – të vlefshme për kualifikime në ‘Euro 2020’ – ku triumfoi me rezultat 2:0.
- Advertisement -
