Shaban Syla i cili është i dënuar në rastin e njohur si “Bllaca 2” është i ftuari i radhës nga Gjykata Speciale.
Ftesa ndaj tij është konfirmuar nga kryetari i OVL-së së UÇK-së, Hysni Gucati, i cili i ka thënë Gazetës Sinjali se përveç Ibrahim Gashit, është ftuar nga Gjykata Speciale edhe Shaban Syla.
“Të fundit që kanë marrë ftesë nga Gjykata Speciale është profesori Ibrahim Gashi, Shaban Syla dhe një shok i joni që nuk ka dashur të bëhet publike”, ka deklaruar Gucati për Gazetën Sinjali.
Syla është dënuar në rastin “Bllaca 2” për tentim vrasjen ndaj Adem Salihajt.
Bashkë me të janë dënuar edhe Shpresim Uka, Sadik Abazi, Bekim Syla dhe Driton Hajdari.
