Pas shtatë ditëve i zhdukur, Shqipdon Aliu nga fshati Gadime i komunës së Lipjanit u gjet mbrëmë pa shenja jete.
Policia e Kosovës ka konfirmuar për Reporterin se trupi i pajetë i Shqipdonit është gjetur në fshatin Gadime e Ultë të Lipjanit.
Daut Hoxha zëdhënës i Policisë së Kosovës ka thënë për Reporteri.net se trupi i pajetë është gjetur saktësisht në një gropë (te gurthyësi i vjetër).
Hoxha ka thënë se kanë qenë informacionet e qytetarëve ato që kanë ndihmuar në gjetjen e trupit të pajetë të Shqipdonit.
Ndërkohë, gazeta sinjali ka publikuar pamjet e vendit ku dyshohet se ka vdekur Shqipdon Aliu, i zhdukur rreth një javë më parë.
Kjo gazetë po ashtu ka shkruan se nga persona të afërt me viktimën në telefonin e tij (të ndalur) dhe një pako cigare, jo shumë larg kësaj grope, e ka gjetur një banor i fshatit.
“Pasi ky banor i fshatit e ka mbush telefonin me bateri, fëmijët e tij e kanë njoftuar se telefoni është i Shqipdonit…Pastaj e kanë lajmëruar policinë”, thanë persona të afërt me viktimën për Gazetën.
