Garancia pasurore prej 8 milionë lekësh nuk e ka shpëtuar nga burgu biznesmenin Mihal Kokëdhima.
Gjykata e Apelit në Vlorë i mohoi sërish lirinë pronarit të lokalit që sulmoi familjen e turistrëve spanjollë.
Seanca ndaj Kokëdhimës u zhvillua mëngjesin e sotëm me dyer të mbyllua.
Mihal Kokëdhima kërkoi ndryshimin e masës “arrest me burg” me pretendimin se tashmë rrethanat janë zbutur.
Gjithashtu pretendoi se ka probleme me shëndetin prandaj sipas tij qëndrimi në burg do të jetë problem për jetën e tij.
Dy herë brenda dy muajve në Apel – Kjo është hera dytë që Mihal Kokëdhima del në Apelin e Vlorës brenda dy muajve.
Ai doli para trupës gjykuese edhe më 28 gusht, por togat e zeza morën vendimin për lënien në fuqi masën “arrest me burg” të Shkallës së Parë.
Ngjarja që tronditi opinionin – Mihal Kokëdhima sulmoi familjen e turistrëve spanjollë pranë lokalit të tij në Porto Palermo, që tashmë është prishur nga IKMT.
Pasmjet e sulmit ndaj turistëve bënë xhiron e botës dhe shkaktuan zemërim e reagime të ashpra.
Mihal Kokëdhima u arrestua pas sulmit ndaj familjes së miliarderit spanjoll Eugenio Galdón që kishte zgjedhur Shqipërinë për pushimet e verës.
Sipas dëshmive, turistët ngelën të pakënaqur nga shërbimi dhe u larguan, ndërsa 55-vjeçari i ndoqi nga pas dhe qëndroi për rreth 3 km i varur në makinën e tyre, duke thyer xhamat e duke dhuruar një skenë skandaloze në sytë e turistëve të huaj.
