Aksident në Fushë Kosovë, ka të lënduar

Një person është lënduar si pasojë e një aksidenti që ndodhi sot në Fushë Kosovë.

Lajmin e ka konfirmuar për Insajderin, e ka konfirmuar zëdhënesja e Policisë së Kosovës për rajonin e Prishtinës, Flora Ahmeti, e cila tha se në aksident ishin të përfshira një veturë dhe një biçikletë.

“Rreth orës 14:00 kemi pranuar informatën për një aksident trafiku në rrugën Dardania në Fushë Kosovë, ku kanë qenë të perfshira një veturë dhe një biçikletë. Si pasojë e aksidentit lëndime trupore ka pësuar biçiklisti i cili është dërguar për tretman mjekësor”, ka thënë Ahmeti.