Analisti politik, Imer Mushkolaj, përmes një postimi në rrjetin social Facebook e ka komentuar deklaratën e kryeministrit në largim, Ramush Haradinaj, për ngritjen e cilësisë në arsim, raporton Front Online.
“Ramushi po thotë që osht ngritë cilësia në arsim, ndërkohë që djalin po e shkollon në një institucion privat, të cilin qeveria e tij “e pat ndihmu” me 658 mijë euro. Me randësi taksa 100%.” Ka shkruajtur Mushkolaj.
Kryeministri në largim Ramush Haradinaj sot i ka uruar të gjithë nxënësit për fillimin e vitit të ri shkollorë, mes të tjerash ai ka treguar se djali I tij po e fillon gjimnazin në shkollen Loyola.
“Në ditën e parë të shkollës për këtë vit, krah Gjinit, i cili po e nisë një etapë të re të edukimit në Gjimnazin “Loyola”. Kemi shënuar të arritura në ngritjen e cilësisë së arsimit në vend, avancim në planprograme dhe infrastrukturë moderne dhe pandalshëm do të punojmë që shkolla jonë të jetë e modelit dhe standardeve europiane. Urime fëmijëve që ulen sot për herë të parë në bankat e shkollës dhe punë të mbarë mësimdhënësve si bashkëudhëtarë në rrugën e dijes. Gjinit dhe të gjithë nxënësve kudo në Kosovë u priftë e mbara në këtë vit të ri shkollor.
Gjatë qeverisjes së tij Kryeministri përmes një vendimi të marrë në muajin tetor të vitit 2018 ia ka ndarë 658 mijë euro kësaj shkolle.
