Sot, rreth orës 07:15, në rrugën “Ali Pashë Tepelena” në Pejë, në tarracën e katit shtatë të një banese është gjetur një person pa shenja jete.
Policia e Kosovës në koordinim të plotë me prokurorin e shtetit kanë ndërmarrë të gjitha veprimet e nevojshme operative-hetimore.
Ekipi mjekësor ka konstatuar se personi B.L. (1999), femër, kishte ndërruar jetë në vendin e ngjarjes.
Në koordinim të plotë me prokurorin e shtetit, rasti është cilësuar si “hetim i vdekjes”. Nisur nga kjo do të zhvillohen hetime intensive për të sqaruar rrethanat rreth këtij rasti.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
- Advertisement -
