Ofendimit të ish deputetes së AAK-së, Time Kadrijaj, i është përgjigjur kryetarja e ALternativës, Mimoza Kusari-Lila.
Përmes një fotografie në mes të ujit në Shqipëri, Kusari-Lila, ka shkruar “Më thanë që kishin shkru për mua…Përgjigja ime është kjo: nga uji i maleve shqiptare, a përnime e keni aaaa”, ka shkruar Kusari – Lila.
Kadrijaj tha se askush nuk e deshi Kusarin ose ‘askënd nuk arriti ta mashtrojë.
“Skena politike është “varfëru” që ish nën-presidentja e AKR e tash kryetarja e klubit Alternariva Mimosa Kusari ka mbet pa koalicion. Kush se deshti apo ma mirë me thanë kërkon smujti me mashtru. Gjakova më së miri e pa dhe Gjakova më së miri e demaskoj retorikën e saj mashtruese. Boll e ke kullotë Mimoze!”, ka shkruar Kadrijaj.
Partia e Kusarit ishte në negociata me Lëvizjen Vetëvendosje, por nuk arritën ndonjë marrëveshje, ndërkaq sot ka bërë të ditur ish-partneri i Kusarit, Ilir Deda, që nuk do të garojë për deputetë.
