Autoritetet në Rajonin Samara të Rusisë janë të gatshëm të fillojnë ndërtimin e një ure 4 kilometra të gjatë përgjatë lumit Vollga. Ura do jetë pjesa e parë e një korridori ambicioz të trafikut ndërkombëtar që lidh Evropën me Kinën Perëndimore.
Ura do të kushtojë 1.8 miliardë dollarë dhe gjysma e kësaj shume do të ndahet nga buxheti rajonal, kurse pjesa tjetër e financimit do të ofrohet nga investitori, Obkhod Togliatti.
Ura do të jetë pjesë e autostradës së re që lidh Moskën dhe Kazanin, kryeqytetin e republikës Tatarstan të Rusisë.
Rruga e re do të zvogëlojë në masë të madhe kohën e udhëtimit nga Moska në Kazan si dhe në një qytet tjetër të madh në Rusinë Qendrore, Samara, nga 16 në 8 orë, tregojnë dokumentet e projektit.
Ndërtimi është vendosur të fillojë këtë vit dhe ura është planifikuar të bëhet funksionale në vitin 2024.
