Klubi i Lazios vazhdon të tërheqë talente shqiptarë në gjirin e vet.
Ditën e sotme, siç raporton faqja e gazetarit Alfredo Pedulla në Itali, klubi kryeqytetas ka zyrtarizuar mesfushorin e djathtë, Florent Shehu.
Bëhet fjalë për një 17-vjeçar, i cili ka lindur në Francë, por ka edhe pasaportën zvicerane.
Anësori i djathtë ka qenë pjesë e ekipeve të të rinjve të Barcelonës, Baselit, Valencias, para se të kalonte te Levante U-19.
Pas një sezoni me të rinjtë e Levantes, Shehu ka kaluar tashmë zyrtarisht te Lazio, teksa edhe kontrata i është depozituar në Ligën Italiane të Futbollit.
Drejtori Igli Tare afron kështu një tjetër shqiptar tek ekipi i të rinjve të Lazios, tek i cili shpresohet shumë në të ardhmen.
- Advertisement -
