Sot rreth orës 10:00 një aksident i rëndë trafiku ka ndodhur në autostradën “Ibrahim Rugova”, ku si pasojë një person ka humbur jetën dhe katër të tjerë janë lënduar.
Lidhur me këtë aksident tragjik, zyrtari për Informim në policinë e Kosovës, Daut Hoxha, në një prononcim për Drenica Press shkruan:
“Bazuar në informacionet e para është raportuar për një aksident të rëndë trafiku me pasoja fatale, të shkaktuar sot rreth orës 10:00 paradite në autostradën “Ibrahim Rugova”, ku një person ka humbur jetën dhe katër të tjerë kanë marrë lëndime trupore”.
“Njësitet kompetente policore për menaxhimin e trafikut në autostrada janë duke u marrë me rastin dhe duke hetuar shkaqet dhe rrethanat se si ka ardhur deri te ky aksident tragjik”.
“Pas hetimeve që janë në proces, do të ju njoftojmë për detaje tjera. Rreth orës 10:30 autostrada drejtimi Duhel-Suhareke është bllokuar për qarkullim”. /Drenica Press/
