Si pasojë e goditjes nga vetura, të hënën në mbrëmje në Drenas mbeti i vdekur, Agim Dvorani, një mërgimtar nga Sllovenia që kishte ardhur në Kosovë për pushime.
Familjarët thonë se pavarësisht ndërhyrjes së shpejtë nga ana e tyre, ishte e pamundur ta mbanin Agimin në jetë.
Vëllai i të ndjerit rrëfeu ngjarjen në një prononcim për Klan Kosova të martën. Ai tha se shoferi – i cili sipas tij – në momentin e aksidentit po voziste me shpejtësi rreth 150 kilometra në orë, kishte refuzuar t’ia jepte ndihmën e parë Agim Dvoranit.
“Jemi kanë duke e kaluar asfaltin, me dal në trotuar, ndërkaq shoferi u kanë përmbi 150 [kilometra në orë] me siguri, edhe e ka godit. Ai [shoferi] njëherë u ndal. I kam thanë: ‘Ama ndihmën e parë se e mbyte’. Ai më tha: ‘Jo, se jam me udhëtar’. Aty e kam humb durimin edhe e kam sharë”, ka thënë vëllai i të ndjerit.
