back to top
Sunday, August 31, 2025
BallinaLajmeZyrtari i Ministrisë së Drejtësisë ftohet nga Gjykata Speciale, në luftë ishte...

Zyrtari i Ministrisë së Drejtësisë ftohet nga Gjykata Speciale, në luftë ishte vetëm 8 vjeç

Të ngjajshme

Matheus Cunha largohet nga skuadra e Brazilit

Selektori i Brazilit, Carlo Ancelotti e ka larguar emrin...

Nipi e kujton Bahri Fazliun: Heronjtë vetëm ditëlindje kanë, ra për të mos vdekur kurrë

Sot feston ditëlindjen heroi i Kosovës, Bahri Fazliu. Një urim...

81 aksidente përgjatë 24 orëve të fundit në Kosovë

81 aksidente trafiku u regjistruan gjatë ditës së shtunë...

Zyrtari i Ministrisë së Drejtësisë, Rilind Berisha, është i ftuari i radhës për intervistim nga Gjykata Speciale, e specializuar për krimet e luftës në Kosovë.

Lajmin e ka bërë të ditur vet Berisha, përmes një postimi në profilin e tij në Facebook.

Ai ka thënë se gjatë luftës së Kosovës, ishte vetëm 8 vjeç.

“Me datë 18.07.2019 kam marrë ftesën ma të befasishme në jetën time. Më 5 gusht duhet të paraqitem para Gjykatës Speciale në Hagë”, thotë Berisha.

Ai tutje ka shkruar se nuk e di arsyen për të cilën do të intervistohet.

“Nuk e di arsyen për të cilën do të intervistohem, nëse veç mund ta përdorim termin arsye për këtë gjykatë krejtësisht të paarsyeshme”, ka shkruar Berisha.

Ftesën e tij e kishte paralajmëruar edhe profesori Blerim Latifi i cili është edhe këshilltar i kryetarit të Kuvendit, Kadri Veseli.

Ai kishte thënë se personi në fjalë do të intervistohet nga prokuroria e Hagës, edhe pse në kohën e luftës, ai ka qenë vetëm 8 vjeçar dhe ka jetuar në Spanjë.

“Në ditët në vazhdim, i thirruri më interesant për t’u marrë në pyetje nga Gjykata Speciale, nuk do të jetë ndonjë komandant i UÇK-së, por një qytetar i Kosovës, i cili në kohën e luftës ishte vetëm 8 vjeçar”, kishte shkruar Latifi në Facebook.

Duhet theksuar, muajve të fundit në Hagë janë ftuar shumë luftëtarë të Ushtrisë Çlirimtare të Kosovës dhe jo vetëm. Kjo duke përfshirë, kryeministrin në detyrë, Ramush Haradinaj, njofton Telegrafi.

- Advertisement -

Të Fundit

Sport

ShowBiz