Një fëmijë 3 vjeç, i cili ka rënë nga kati i gjashtë i një ndërtese në Kinë, ka arritur të shpëtojë për mrekulli.
Kjo falë një kalimtari që ishte duke kaluar poshtë pallatit.
Sipas asaj që shkruan ‘’BBC”, ata e kanë pritur djalin e vogël me një batanije dhe kështu ai nuk ka rënë në tokë.
Në disa fotografi vogëlushi shihet duke u mbajtur vetëm me duar në ballkon.
Do të ishte fatale nëse i vogli do të kishte rënë. Ngjarja në fjalë ndodhi në qytetin jugperëndimor kinez, Chongqing.
Zhu Yanhui, kalimtari që shpëtoi djalin, tha: “Shikova lart dhe e pashë fëmijën e vogël, që ishte kacavarur në ballkon. U mundova të gjej diçka për ta kapur. Së pari mendova të shkoj lart dhe ta kap me duar, por një gjë e tillë nuk do të kishte funksionuar”.
Kalimtarët formuan një rreth, duke e mbajtur fort batanijen dhe pritën të voglin.
Duhet thënë se pamjet janë bërë virale.
