Deputeti nga radhët e PDK-së njëherit edhe ish-nënkryetari i FFK-së, Bekim Haxhiu ka dhënë lajmin e pritur se ligji për sponsorizimin e sportit tashmë është publikuar në gazetën zyrtare të Republikës së Kosovës.
Me këtë Haxhiu ka thënë se ligjet për sponsorizimin e sportit do të jenë të zbatueshme që nga data 5 gusht të këtij viti.
Haxhiut në publikimin e tij në facebook ka thënë se tashmë është në dorën e udhëheqësve të klubeve dhe federata që të sigurojnë sponsorët për investimet e mëtutjeshme në sport.
Publikimi i plotë i Haxhiut:
Të nderuar sportistë, sponsorë, financues dhe adhurues të sportit,
ju njoftoj se me datë 19.07.2019 është publikuar në Gazeten Zyrtare të Republikës së Kosovës Ligji për Tatimin në të Ardhurat e Koorporatave me amendamentin 5, neni 11, pika1.1 të propozuar nga unë, me çka është arritë që të bëhet harmonizimi me Ligjin për Sponsorizime në Fushën e Kulturës, Rinisë dhe Sportit.
Këto dy ligje do të jenë të zbatueshme në Republikën e Kosovës 15 ditë pas publikimit në Gazetën Zyrtare, d.m.th përfundimisht nga dita e hënë 05.08.2019, Ligji për Sponsorizime është i zbatueshem në Republikën e Kosovës.
Udhëheqësi te klubeve dhe federatave, tani është në dorën tuaj sigurimi i sponsorëve për të rritur investimet në sport dhe për të zhvilluar sportin.
Të nderuar, pas pranimit në UEFA e FIFA, sigurimit të shumë mjeteve për investimet në infrastrukturën sportive, miratimit dhe funksionalizimit të Ligjit për Sponsorizimet në Fushën e Kulturës Rinisë dhe Sportit dhe Ligjit për Parandalimin dhe Sanksionimin e Dukurive Negative në Sport, më mbetet edhe një detyrë për të përmbyllur misionin tim në dobi të sportit dhe ai është miratimi i Ligjit për Menaxhimin dhe Sigurinë e Objekteve Sportive.
Miliona euro të investuara në objektet sportive duhet të menaxhohen me ligj të veçantë dhe përgjegjësi.
Do të vazhdoj të jem gjithmonë këmbëngulës për zhvillimin e sportit.
Urime dhe suksese!
Na priftë e mbara drejt sukseseve të reja!
Me respekt,
Bekim Haxhiu
