Situatën si jomiqësore në sfidën ndërmjet Slovan – Feronikeli në kuadër të Ligës së Evropë,s të krijura nga tifozët sllovak e ka përshkruar edhe mbrojtësi prishtinas i Feronikelit, Yll Hoxha. Hoxha në një bisedë për gazetën “Zëri”, ka thënë se kanë dëgjuar tërë kohën thirrje raciste dhe u është bërë presion nga publiku.
“Kemi shumë shpresa që do t’i eliminojmë. Atje nuk kemi shkuar të dorëzuar, por kemi dhënë maksimumin në fushë që të dalim me rezultat pozitiv, edhe pse përballë kemi një ekip të fortë”, ka thënë Hoxha, i cili më pas ka folur edhe për prapaskenat që e kanë përshkruar këtë ngjarje, që ka zgjuar interesim shumë të madh.
“Ata kanë shtruar shumë presion me brohoritje të ndryshme kundër Kosovës dhe kemi pasur provokime, por ne jemi profesionistë dhe atje ishim vetëm për futboll, çka nuk kemi rënë në provokime të tyre”, ka thënë Hoxha, i cili e pranon se ato thirrje nuk janë të mira për asnjë lojtar.
“Është e keqe, por ajo sjellje e tyre vetëm sa na motivon për ndeshjen kthyese të martën, që e luajmë në Prishtinë. Do të japim gjithçka nga vetja që t’i mposhtim. Shpresoj shumë dhe kam besim që stadiumi ‘Fadil Vokrri’ do të jetë i stërmbushur. Presim përkrahje sa më të madhe dhe tifozët tanë të jenë lojtari i 12-të në fushë”, ka përfunduar Yll Hoxha./Zëri.info
