Rinia Demokratike e PDK-së në Prishtinë ka mbajtur një aktivitet simbolik me moton “3 Zall, 1 Cement” duke shprehur kështu pakënaqësinë për gropat në rrugët dhe trotuaret e kryeqytetit.
Aktiviteti u zhvillua në rrugën “Agim Ramadani” prapa Teatrit Kombëtar, shkruan EO.
Nënkryetari i Rinisë Demokratike të PDK-së në Prishtinë, Vilson Dragusha, tha se Komuna e Prishtinës buxhetin duhet ta përdorë për gjërat bazike që ka nevojë kryeqyteti dhe të mos ketë tepricë të buxhetit duke pasur ende probleme të tilla në rrugë.
“Arsyeja e këtij aktiviteti është se ne qytetarët e Prishtinës po kemi shumë probleme, si në rrugë, trotuare për kalim, andaj ne e lusim Drejtorinë e Infrastrukturës dhe kryetarin e Komunës që të merren më shumë me punët e kryeqytetit dhe fondet t’i delegojnë në vendin e duhur, e jo të ketë gjithmonë mungesë tëpunimeve dhe të ketë tepricë të buxhetit deri në 20 milionë euro në vit”, tha ai.
