Ndaj veshjes provokative me të cilën Fjolla Morina u paraqit mbrëmë para publikut të mitur në Skenderaj kanë reaguar edhe deputetët e Kuvendit të Kosovës si Milaim Zeka e Andin Hoti. Por Fjolla Morina gjatë një deklarate për Gazetën Express i është përgjigjur Zekës e Hotit për kritikat e tyre.
“Tregoi Milaim Zekës që Drenica ka ecë përpara. Jam vesh sikur këngëtaret e huaja që kanë ardhë në Kosovë. Drenicasit janë burra dhe janë njësha”, ka thënë Fjolla për Express.
E ndaj komenteve të Andin Hotit, këngëtarja Fjolla Morina ka thënë se deklaratat e tilla e kanë lënë Kosovën prapa.
“Me ardhë Niki Minaj bohet nami këtu. Ecni përpara or burrë se këto sene nuk na kanë lan neve me jetu. Fmitë i kanë lanë përpara”, i është përgjigjur Hotit Fjolla Morina.
E ndaj veshjes së Fjollës deputeti i Kuvendit, Milaim Zeka, ka kërkuar llogari nga Skenderaj se kush e ka organizuar koncertin dhe kush e ka ftu Fjolla Morinën.
“Sa shume ka “arrite” Drenica?!!!. Disa namuzeli, qe 1000 te zeza i kane ba dhe i bajne, me kane kritiku se gjoja une perdori fjalor banal. Shiheni kete foto nga koncerti ne Skenderaj, edhe hajde me thoni se a ke çare pa … E kush e ka organizu kete koncert edhe kush i ka ftu?”, ka shkruar Zeka në FB.
Ndërkohë, deputeti tjetër, Andin Hoti ka shpërndarë fotografitë e Fjollës dhe ka shkruar, “Bac na falë”./GazetaExpress/
