Nënkryetari i Lidhjes Demokratike të Kosovës, Lutfi Haziri ka mohuar takimin e tij të sotëm me sekretarin e Partisë Socialdemokrate të Kosovës, Dardan Molliqajn.
Haziri ka mohuar kategorikisht se është diskutuar për ndonjë koalicion të dy partive. Ka thënë se ka qenë takim i rastësishëm.
”Jo more sen s’ka pas”, ka deklaruar fillimisht Haziri për Insajderin.
“Ka qenë takim i rastësishëm”, është arsyetuar më pas Haziri në një bisedë të shkurt telefonike.
Që nga dorëheqja e Ramush Haradinajt nga posti i kryeministrit të gjitha partitë parlamentare kanë mbështetur zgjedhjet e jashtëzakonshme, ndërsa nuk kanë hezituar të deklarohen edhe për koalicione parazgjedhore.
Raporti mes LDK-së dhe PSD-së ka qenë mjaftë thumbues që nga koha 12 deputetët e VV-së kaluan në PSD dhe krijuan grupin e ri parlamentar në kuvend.
LDK kishte thumbuar vazhdimisht PSD-në se kjo parti po e mbanë Ramush Haradinaj në qeverisje, përkundër që deputetët e kësaj partie kishin dhënë nënshkrimet për mocion mosbesimi ndaj Qeverisë Haradinaj.
