Udhëtimi i Haradinajt në Hagë, çfarë ndodhi me avionin e kryeministrit në ikje

Sipas mediave kosovare, Haradinaj ka fluturuar me avionin privat të zëvendëskryeministrit të Kosovës, Behgjet Pacolli.

Haradinaj do të udhëtonte drejt Hagës me një fluturim të rregullt të kompanisë “Austrian Airlines”, por sipas zëdhënësve të tij, fluturimi është shtyrë për disa orë.

Kjo e ka detyruar atë të gjejë një zgjidhje tjetër.

Kujtojmë se Ramush Haradinaj dha dorëheqjen të premten nga posti i kreut të qeverisë së Kosovës, për shkak të një ftese të Gjykatës Speciale, e cila është krijuar për t’i ndjekur ish-udhëheqësit e UÇK-së të dyshuar se kanë kryer krime lufte.