Një aktiviste e shquar e të drejtave të LGBT-së është gjetur e vdekur me plagë të shumëfishta dhe shenja të ngulfatjes në qytetin rus Shën Petërsburg.
Trupi i pajetë i gruas 41 vjeçare u gjet në shkurre afër shtëpisë së saj të dielën, tha policia lokale.
Të afërmit dhe miqtë më vonë e identifikuan viktimën si Yelena Grigoryeva, njofton raporti rus i lajmeve Fontanka.
Grigoryeva, e cila thuhet se ka marrë kërcënime me vdekje, bënte fushatë të rregullt për të drejtat e njeriut në Rusi.
Në një postim në Facebook të hënën, aktivisti Dinar Idrisov tha se mikja e saj Grigoryeva ishte “vrarë brutalisht afër shtëpisë së saj”.
“Ajo kohët e fundit ishte viktimë e kërcënimeve të dhunshme me vdekje”, shkroi ai, duke shtuar se ajo kishte parashtruar disa ankesa në polici.
