Pensionistët e lagjes Pejton në Prishtinë po ndihen të pakënaqur me zhvillimet politike të vendit dhe punën që është bërë tash e sa vite në Kosovë, ata kanë pasur shpresa se do të bëhet dhe punohet më mirë në Kosovë, por kjo nuk ka ndodhur sipas tyre, shkruan Gazeta Metro.
Këta pensionistë janë të pakënaqur me shtetin e Kosovës për ngecjet dhe trajtimin që po ja bënë gjeneratave të reja.
Ata po ankohen se si në Kosovë djemtë e politikanëve po i vozisin veturat e tyre luksoze me shpejtësi të madhe ku dhe po shkaktojnë aksidente dhe nuk po
“Djemtë e tyre (politikanëve) i grahin 100 në orë, bëjnë ndeshje edhe nuk shkojnë në burg, djemtë e tyre i rrahin policitë edhe nuk shkojnë në burg, këtu është problemi, ata janë mbi ligjin”, deklaron Ukë Stojkaj për Koha Ditore.
“Këta që janë në Parlament e Qeveri janë mbi ligjin. Me dalë unë me krye vepër të paligjshme i ha 40 vjet burg, ata për të njëjtën vepër nuk dënohen hiç”, thotë Stojkaj.
Po ashtu ata thonë se në Kosovë nuk po bëhet asnjë punë e ‘hairit’, të gjitha punët e mira sipas tyre janë ndalur.
“A po e bahet një punë e hairit. Hajt veç diçka të mirë, kallxona, veç diçka”, i drejtohet pensionistit Muhamet Tafilaj, shoku i tij Ukë Stojkaj.
Ky i fundit përveç çlirimit nga okupimi serb, që ka ndodhur 20 vjet më parë dhe shpalljes së pavarësisë, nuk arrin të gjejë edhe një moment tjetër mburrjeje. Sipas tij, gjendja aktuale do të ishte arsyetuar nëse tani do të ishim diku pesë vjet pas çlirimit.Vrahet polici e nuk ka pension. Hajt nëse kishim qenë 5 vjet pas luftës ose 10, dekada e parë, por tani 20 vjet, nuk kemi organizim të shtetit si duhet”, thotë Stojkaj, duke u rikthyer sërish tek pabarazia para ligjit../gazetametro.net
