Ish boksieri i njohur kosovar, Fatmir Makolli ka reaguar për dorëheqjen e Ramush Haradinajt nga posti i kryeministrit të Kosovës.
Ramush Haradinaj dje në mesditë ka dhënë dorëheqje nga posti i tij, pasi ka marrë ftesë nga Gjykata Speciale në Hagë, raporton GazetaBlic.
Pas dorëheqjes, Haradinaj ka marrë mbështetje të madhe nga figura të ndryshme në vend.
Legjenda e boksit kosovar, Fatmir Makolli me anë të një postimi në rrjetin social, Facebook i ka dalë në mbrojtje Haradinajt për vendimin e fundit.
“Ti je një luan shqiptar që e drejtove vendin në rrugën e duhur të bashkimit kombëtar. E kuptoj situatën tënde shumë mirë. Ti do të jesh prapë në vendin e duhur në të ardhmen. Këtë e përgatiten ata që t’i kanë përgatitur edhe në të kaluarën (dihet kush). Tradhtarët ka ardhur koha që të largohen nga trojet shqiptare. Edhe në qoftë se rrëzohesh, prapë do të çohesh. Do të jam njëri nga mbështetësit e tu më të mëdhenj në të gjitha format e mundshme”, ka shkruar Makolli në Facebook.
