- Advertisement -
Klubi gjerman Werder Bremen po e vlerëson në maksimum yllin e Përfaqësueses së Kosovës, Milot Rashica.
Futbollisti nga Vushtrria ka kontratë me klubin deri më 2022, por që me kontratën e re do të përmirësonte pagën, për t’u bërë njëri nga lojtarët më të paguar të Werderit, shkruan portali i afërt me klubin “Deich Stube”.
Sulmuesi kosovar ditë më parë, ka thënë se dëshiron ta vazhdojë kontratën e të njëjtin mendim ndan edhe drejtori sportiv i Werderit, Frank Baumann.
Werderi e vlerëson shumë të rëndësishëm sulmuesin e Kosovës, i cili i shënoi 11 gola në të gjitha garat sezonin e kaluar, duke tërhequr vëmendjen edhe të ekipeve të tjera, jashtë Gjermanisë.
- Advertisement -
