Avokati nga Beogradi, Branislav Tapuskovic beson se Ramush Haradinaj nuk ka dhënë dorëheqjen si kryeministër i Kosovës për shkak të ftesës nga Haga.
Tuskiskovic konsideron se arsyeja e dorëheqjes së Ramush Haradinajt ka të bëjë me presionin për heqjen e taksës 100% ndaj Serbisë, përcjellë GazetaBlic.
“Ai do të shkojë në Hagë dhe do të kthehet si gjithë të tjerët… Dua të them se, ai kurrë nuk do të konsiderohet si i “akuzuar”, sepse gjithmonë do të thotë se ai ka folur tashmë përpara Tribunalit të Hagës, i cili e liroi atë nga akuzat për krime në Kosovë dhe se procedura nuk mund të ringritet kundër tij”, tha Tapuskovic , i cili më parë ishte një “mik i gjykatës” në Tribunalin e Hagës.
Ai në një prononcim për median serbe, Tanjug ka thënë se Haradinaj ka dhënë dorëheqjen e tij shkaku i presionit nga fuqitë e mëdha lidhur me heqjen e taksës, ndërsa udhëtimi në Hagë është thjesht një “maskim i problemit”.
