Kompania e kapitenit të Real Madridit, Sergio Ramos, Aguilena de Inversiones SA, është dënuar me 250.000 euro, për shkak se ka prerë disa pemë qindravjeçare.
Të premten një gjykatë në Madrid e shpalli fajtore kompaninë dhe e ka urdhëruar që përveç gjobës, të gjejë pemë të reja dhe të mbulojë financiarisht edhe rimbjelljen e zonës, raporton Diario AS.
Kompania e Ramosit kishte prerë pemë në zonën La Moraleja në Madrid, pa asnjë autorizim nga bashkia, ndaj në janar nisi gjyqi.
Rreth 90 pemë të specieve të ndryshme, nga pishat tek ullinjtë, u prenë në mënyrë të paligjshme nga kompania e Ramos, i cili e ka nisur sezonin me ri me një dënim aspak të vogël, edhe pse për të është një shifër jo e madhe.
- Advertisement -
