Të rriturit me syndrom down në Mitrovicë kanë hapur ekspozitën e tyre në qendrën e Muzeut të këtij qyteti.
Në këtë ekspozitë u paraqitën piktura të punuara nga të rriturit e “Down Syndrome Kosova“ qendra në Mitrovicë.
Ekspozita është pjesë e projektit ‘Art dhe Trashegimi Kulturore me Integrim Social’ të Personave me Syndrom Down.
Liridona Jashari psikologe përgjegjëse e programit të automonimisë ka thënë për Kallxo se pikturat e paraqitura në këtë ekspozitë janë të të rriturve me Sindrom Down Dega në Mitrovicë.
Jashari gjithashtu ka thënë se këta të rritur gjatë punimit të këtyre pikturave kanë arritur të mësojnë mjaft shumë, duke bërë edhe realizimin e pikturave me teknika të ndryshme.
“Gjatë krejt punimit të pikturave të rriturit kanë mësuar mjaft, tani ata dijnë të bëjnë kombinimin e ngjyrave dhe arrijn të bëjnë realizimin e pikturave me teknika të ndryshme”, tha Jashari për Kallxo.
Ky projekt është mbështetur nga Ministria për Kulturë Rini dhe Sport – Departamenti për Trashëgimi Kulturore, Luljeta Goranci dhe dega e DSK në Prizren.
Ndërsa realizimi i pikturave nga të rriturit me sindrom edhe ndihmuar nga piktorja Florentina Pllana.
