Një aksident trafiku ka ndodhur në orët e para të mbrëmjes në magjistralen Prishtinë –Gjilan, në afërsi të Liqenit të Badovcit.
Zëdhënësi i Policisë së Kosovës, Bajram Krasniqi, tha se aksidenti ka ndodhur rreth orës 19:00 teksa janë përfshirë dy vetura, ndërsa ka edhe të lënduar.
“Një aksident trafiku ka ndodhur në magjistralen Prishtinë – Gjilan rreth orës 19:00, në të cilën janë përfshirë dy vetura, ndërsa janë të lënduar tre persona. Të njëjtit janë dërguar për tretman mjekësor.Për disa çaste rruga ka qenë e bllokuar derisa policia ka bërë matjet e vendaksidentit”.
Në vendin e ngjarjes veç njësiteve të policisë ka dalë edhe autoambulanca që ka marrë të lënduarit.
Ndryshe një aksident tjetër më dy të lënduar ishte edhe sot në orën 15:00 në magjistralen Podujëve –Prishtinë./Indeksonline/
