Ministri i Mjedisit dhe Planifikimit Hapësinor, njëherësh Kryetar i Kuvendit të Aleancës Kosova e Re, Fatmir Matoshi, ka thënë se “më mirë do të ishte që të investohej në zhvillim ekonomik në Dukagjin, sesa në asfalt”.
Ndërtimi i kësaj autostrade, sipas Matoshit, “do të kushtojë rreth 1 miliard euro”.
“Ka nevojë dikush, një institucion, ndoshta pak më i pavarur, pak më profesional, pak më kredibil, të vlerësojë a kemi nevojë për autostradë të Dukagjinit”, ka deklaruar ai në emisionin “DPT Te Fidani”, në televizionin T7.
“Nëse ka nevojë, cila është arsyeja, cilat janë përfitimet që do t’i kenë qytetarët, cilat janë dëmet që mund t’i kenë ata prej saj”, ka thënë më tej ai.
“Duhet të bëhet një tip studimi, të cilin pastaj duhet ta aprovojmë si subjekte politike”, është shprehur Matoshi. /Express/
