Miliarderi dhe filantropisti amerikan Ross Perot i cili ka qenë dy herë kandidat për president të Shteteve të Bashkuara të Amerikës ka ndërruar jetë sot në moshën 89 vjeçare.
Perot i ishte futur garës për të marr karrigen e të parit në Shtëpinë e Bardhë, në vitin 1992 dhe 1996.
Këtë e ka konfirmuar për CNBC, përfaqësuesi i familjes, James Fuller, duke treguar se Perot ka vdekur pas një beteje pesë mujore me leukeminë, transmeton Gazeta Express.
“Në biznes dhe në jetën e përditshme, Ross ishte një njeri me integritet dhe veprime. Një patriot i vërtetë amerikan, dhe një njeri me vizion të rrallë, me principe, përkushtim të thellë”, ka thënë Fueller duke kujtuar veprimtarinë e tij humanitare dhe mbështetjen për veteranët e ushtrisë amerikane.
Ai ka lënë pas gruan e tij, Margot, pesë fëmijët dhe 16 nipër e mbesa./GazetaExpress/
- Advertisement -
