Me datë 4 korrik 2019, në Mitrovicë, është arrestuar një person i dyshuar për veprën penale ‘sulm ndaj personit zyrtar gjatë kryerjes së detyrës zyrtare’.
Ngjarja është raportuar rreth orës 23:30, në rrugën “Shemsi Ahmeti” në Mitrovicë, në kohën kur një njësi policore po realizonte një pikë kontrolli, me ç’ rast i dyshuari, ngasësi i një veture, duke mospërfillur urdhërat e zyrtarëve policor, ka sulmuar dhe kanosur zyrtarët policor gjatë kryerjes së detyrës zyrtare.
Ndaj të dyshuarit të arrestuar F. U. shtetas i Republikës së Kosovës, pas procedurave të nevojshme intervistuese, me aktvendim te prokurorit te rastit është shqiptuar masa e ndalimit policor për 48 orë. Ndaj tij është iniciuar rast për veprën penale ‘sulm dhe kanosje ndaj zyrtarëve policor’. /Drenica Press/
