Feronikeli e ka kaluar rrethin e parë para-eliminator të Ligës së Kampionëve.
Skuadra nga Drenasi arriti ta mposhtë Santa Coloman në finalen e kësaj faze me rezultat të 2:1, raporton Zëri.info.
Para kësaj ndeshje, Feronikeli e mposhti Lincoln Red me rezultat minimal 1:0.
Ndërkaq, në ndeshjen e radhës ‘Nikli’ do të përballet me uellsianët e TNS.
“Feronikeli tashmë e ka arritur objektivin e vet në dy ndeshjet e para”, tha Munishi në “Dueli Sportiv”, përcjell Zëri.info.
“Feronikeli është skuadra jonë dhe meriton respekt dhe duhet të mbështetet nga të gjithë”, vlerësoi Munishi.
“Përparësi e madhe është që ndeshja e parë zhvillohet si mysafir dhe në ndeshjen e kthimit dihet gjithçka. Pres të stërmbushet stadiumi”, shtoi Munishi./Zëri.info
