Kupa e Amerikës mbyll ndeshjet e fazës së grupeve dhe tashmë janë përcaktuar edhe 4 çiftet çerekfinaliste. Brazili i zoti i shtëpisë i kualifikuar si i pari në grupin A do të përballet me Paraguajin që kaloi më tej si një nga vendet e treta më të mira.
Venezuelë-Argjentinë është çifti i dytë çerekfinalist dhe në gjysmëfinale mund të kemi një përballje të mundshme Brazil-Argjentinë.
Kolumbia që e mbylli grupin B në vend të parë do ketë përballë në çerekfinale Kilin dhe çifti tjetër është Uruguaj-Peru.
Grupi C ishte ai që i mbylli llogaritë i fundit ku Uruguaji fitoi 1-0 ndaj Kilit falë golit të sulmuesit Edinson Cavani shënuar në minutën e 82-të.
Uruguaji fitoi por nuk bindi megjithatë e mbylli grupin C në krye dhe i bëri dhuratë vetes Perunë në çerekfinale ndërsa për Kilin do jetë më e vështirë ndaj Kolumbisë.
Në ndeshjen tjetër të grupit Ekuadori dhe Japonia u ndanë në barazim 1-1 një rezultat ky që i nxorri jashtë Kupës së Amerikës të dyja ekipet./ Përgatiti Andi Kapxhiu
