Kur bëhet fjalë për relaks, Cristiano Ronaldo nuk kursehet dhe e lëshon dorën, duke shpenzuar pafund. Pushimet që CR7 kaloi në Greqi i kanë kushtuar jo pak portugezit (8 mijë euro/nata), që në fund ka bërë edhe një gjest bamirësie.
Mësohet se Ronaldo i ka lënë 20 mijë euro bakshish stafit të vilës luksoze ku ai kaloi disa ditë pushime. Portugezi qëndroi në “Royal Villa Methoni”, ku stafi i garantoi një relaks fantastik dhe mbi të gjitha qetësi absolute.
Dhe për këtë shërbim Cristiano Ronaldo ka vendosur të lërë një bakshish vërtet të majmë. Gjatë pushimeve portugezi mori edhe një yaht të gjatë 46 metra, që i kushtoi 56 mijë euro për dy net. Pushime të merituara këto për një kampion.
- Advertisement -
