Majlinda Kelmendi është kualifikuar në finale të Lojërave Evropiane “Minsk 2019”, raporton Insporti.com.
Kelmendi raundin e parë e kaloi pa luftë, ndërsa në raundin e dytë kundërshtare e pati xhudisten zvcierane, Fabienne Kocher të cilën e mposhti në “Golden Score”, pas “shidos” së dytë nga Koche.
Në çerekfinale ajo u përball me xhudisten polake, Karolina Pienkoëska duke e mposhtur me ippon.
Në gjysmëfinale Majlinda luftoi me xhudisten franceze, Amadine Buchard e cila është e dyta në ranklistën botërore.
Megjithatë, kjo nuk e ndaloi xhudisten pejane për ta mposhtur me ippon, raporton Insporti.com.
Në finale do të përballet me xhudisten ruse, Natalia Kuziutina.
Kelmendi me këtë kualifikim ia ka siguruar Kosovës medaljen e argjendtë.
Majlinda garon në kategorinë -52 kilogramë. Kosova po merr pjesë me 12 sportistë .
