Florent Muslija edhe zyrtarisht i është bashkuar Kosovës. Ai do të jetë pjesë e “Dardanëve” në ndeshjet e shtatorit kundër Anglisë dhe Çekisë.
Pas Florent Hadërgjonajt, Ylldren Ibrahimajt dhe Ibrahim Dresheviqit, që iu bashkuan Kosovës në qershor – një tjetër futbollist nga shtatori do ta veshë fanellën e Dardanëve.
Bëhet fjalë për mesfushorin ofensivë të Hannoverit, Florent Muslija.
Musliaj është takuar gjatë ditës së premte me kryetarin e FFK-së, Agim Ademi dhe është nënshkruar marrëveshja për t’iu bashkuar Kosovës.
20-vjeçari i lindur në Gjermani është pjesë e Hannoverit, skuadër me të cilën edicionin që lamë pas shënoi dy gola në 17 paraqitje.
Sipas “Transfermarkt”, vlera e 20-vjeçarit është 3 milionë euro.
Muslija është lojtar me të ardhme të ndritur. Ai ka kontratë me Hannoverin deri në qershor të vitit 2022.
- Advertisement -
