Presidenti i Feronikelit, Naser Rama, ka thënë për Gazetën Express se e mohon t’i ketë bërë ftesë gjigantit italian, Milan, për një ndeshje miqësore në Prishtinë këtë verë.
Pasditen e sotme, u raportua se kampioni i Kosovës, Feronikeli, i kishte bërë Milanit të vijë në Prishtinë dhe ta zhvillojë një ndeshje miqësore ndaj tij në stadiumin Fadil Vokrri në muajin gusht dhe se ishte në pritje të një përgjigje.
Megjithatë, Rama tha për Gazetën Express se kjo nuk qëndron dhe si Nikli nuk i ka bërë asnjë ftesë e as nuk ka qenë në kontakt me klubin kuqezi.
“Jo nuk kemi bërë ftesë”, tha Rama i pyetur nga Express nëse Feronikeli i kishte bërë ftesë shtatë herë kampionit të Evropës.
“Nuk ka asgjë nga ky lajm. Nuk është i vërtetë”, shtoi ai.
