Trajneri Tahir Lushtaku edicionin e kaluar arriti t’ia siguronte Drenicës qëndrimin në Superligë pa barazh.
Megjithatë ende nuk është e sigurt që ai do të jetë trajner i ‘kuq e zinjëve’ për stinorin e ri.
“Ende nuk është definitive se do të jem trajner i Drenicës por kryesia është e interesuar që të vazhdojmë bashkëpunimin. Besoj që do të arrihet marrëveshja” deklaroi Lushtaku për Indeksonline.
Sa i përket përforcimeve, Drenica është duke bërë disa ndryshime.
Gjatë këtij afati kalimtar ka transferuar sulmuesin Hasan Hyseni nga Trepça 89 dhe portierin Petrit Tahiri nga Vllaznia e Pozheranit.
