Një person ka pësuar lëndime të rënda në kokë, pasi është sulmuar befasisht në oborrin e shtëpisë së tij, transmeton Drenica Press
Sipas policisë së Kosovës, viktima mashkull K/Shqiptar ka raportuar se pasi kishte përfunduar punën në marketin e tij, kur kishte hyrë në oborrin e shtëpisë së tij një person i panjohur befasisht e kishte goditur me mjet të fortë disa herë në kokë.
Viktima kishte pësuar lëndime trupore dhe ndihma e parë i është dhënë në QKMF në Skenderaj dhe më pas ishte dërguar në Spitalin Rajonal në Mitrovicë. Sipas mjekut, lëndimet e viktimës janë lëndime të rënda trupore.
Deri me tani nuk dihet shkaku i këtij sulmi dhe nuk kemi të identifikuar ndonjë person te dyshuar. Rasti është nën hetime dhe po konsiderohet si sulm i rëndë trupor. /Drenica Press/
