Kryetari i Komunës së Skenderajt, Bekim Jashari, nënkryetari Nuredin Lushtaku, deputeti i Parlamentit të Kosovës, Bekim Haxhiu, familjarë, bashkëluftëtarë, përfaqësues të Shoqatave të dala nga lufta e Ushtrisë Çlirimtare të Kosovës, si dhe qytetarë, kanë përkujtuar sot me homazhe dëshmorët e kombit Mustafë Haxhiu – Bacoku, Gëzim Ferizi, Isuf Aliçkaj, si dhe martirin Bedri Haxhiu, të cilët 20 vite më parë ranë heroikisht për lirinë e popullit të Kosovës.
Postimi i Bekim Jasharit:
Me nderime të larta kemi përkujtuar sot dëshmorët e Ushtrisë Çlirimtare të Kosovës Mustafë Haxhiu – Bacoku, Gëzim Ferizi, Isuf Aliçkaj, si dhe martirin Bedri Haxhiu, të cilët 20 vite më parë ranë heroikisht për lirinë e popullit të Kosovës.
Ne do të jemi përgjithmonë mirënjohës ndaj dëshmorëve dhe martirëve të Kosovës, të cilët përveçse në emër të lirisë së vendit, ata sakrifikuan që edhe ta zhvillojmë dhe begatojmë vendin tonë.
Lavdi dëshmorëve dhe martirëve të kombit!
