Policia e Kosovës ka dhënë detaje lidhur me alarmin për mjet shpërthyes në objektin e Këshillit Gjyqësor të Kosovës.
Në njoftimin e Policisë thuhet se në zyrën e pranimit të Këshillit Gjyqësor janë pranuar tre telefonata kërcënuese nga një person mashkull, i cili ka paralajmëruar vendosjen e mjetit shpërthyes në drejtim të institucioneve të Kosovës, konkretisht Këshillit Gjyqësor dhe Prokurorisë Speciale.
Me të pranuar informatat Policia ka marr gjitha masat operative duke siguruar vendin e ngjarjes dhe evakuar gjithë personelin e Gjykatës Supreme dhe Këshillit Gjyqësor.
Poashtu janë kontrolluar edhe ndërtesat e këtyre institucioneve.
Nga të gjitha masat e marra Policia nuk ka gjetur mjet shpërthyes, dhe pas orës 15:00 ka liruar rrugën, njofton Policia e Kosovës.
Tutje në njoftimin e Policisë thuhet se janë duke punuar për të identifikimin dhe arrestimin e personit dhe abonuesit të numrit i cili nepërmjet telefonit ka bërë kanosjen.
Policia dhe Prokuroria Speciale janë duke kryer veprimet e nevojshme për të procedurat para drejtësisë kryesit e veprës.
