Kampioni i WBC-së në kategorinë e peshave të rënda, Deontay Wilder, do të tentojë ta mbrojë sonte titullin e tij që do të zhvillohet të shtunën më 18 maj në Nju Jork, në Qendrën Barclays.
Për shkak të diferencës në kohë, meçin Wilder – Breazeale do të mundë ta shikoni pas mesnatës, në orën 5:00 të mëngjesit shkruan Express.
Meçi mes këtyre të dyve ka qenë duke u përfolur që më shumë se dy vjet për shkak të zënkave me fjalë mes boksierëve.
Wilderi i ka fituar 40 meçe gjatë karrierës, asnjë nuk e ka humbur dhe e ka vetëm një barazim. 39 prej fitoreve të tij janë përfunduar me nokaut dhe ai ka arritur ta mbrojë titullin e ËBS-së për peshat e rënda plot nëntë herë.
Boksieri me prejardhja nga Alabama e zhvilloi njërin prej meçeve më interesante të tij vitin e kaluar, kundër Tyson Furyt. Ai kishte qenë duke humbur, mirëpo pastaj e rrëzoi Furyn dhe meçi përfundoi baras.
Ndërsa, Breazeale e ka pësuar vetëm një disfatë në karrierën e tij si profesionist, ndërsa 20 i ka fituar, prej së cilave 18 me nokaut. 33-vjeçari e kishte sfiduar Anthony Joshuan për titullin IBF në vitin 2016, mirëpo ishte nokautuar në rundin e shtatë. Ai është kthyer në formë që nga atëherë dhe i ka fituar tri meçet e tij të fundit.
