Para se ta merrte fjalën në Kuvendin e Kosovës për të shpalosur fotografinë e dytë që deri para pak çastesh pretendonte se janë autentike nga dhunimi i grave gjatë luftës, Flora Brovina është konsultuar me shefin e partisë së saj, Kadri Veselin, shkruan Gazeta Express.
Përderisa në foltoren e Kuvendit mbante fjalim deputeti i VV-së, Liburn Aliu, Flora Brovina shkoi te vendi i Kadri Veselit për t’u konsultuar. Asaj iu bashkua edhe deputetja tjetër e PDK-së, Blerta Deliu.
Më pas ajo në duar mbante dy fotografitë, për të cilat pretendonte se janë autentike.
Por, pas më pak se 24 orëve Flora Brovina e pranoi se nuk e ka verifikuar fotografinë dhe se nuk e ka besuar se një “dëshmi” e tillë mund të mos jetë e vërtetë.
Ndërsa, Kadri Veseli, ka thënë se fotografitë duhet të vërtetohen nga AKI-ja.
