Deputeti Milaim Zeka në adresimin e tij para të pranishmëve në seancën plenare të Kuvendit të Kosovës, ka kërkuar një minutë heshtje në nderim të Ukshin Hotit.
Si e tillë, kjo kërkesë e Milaim Zekës konsiderohet gabim i rëndë pasi Ukshin Hoti është ende i zhdukur dhe nuk dihet ende asgjë për fatin e tij, njofton Klan Kosova.
”Si Parlament dhe deputet, nderimin më të madh ja bëjmë Ukshin Hotit me një minutë heshtje”.
”Propozoj që të hidhet në votim propozimi i Deputetit Daut Haradinaj, në mënyrë për respekt të atyre që kanë ardhur të kryhet kjo seancë siç është paraparë”.
Por, i menjëhershëm ka qenë reagimi i kryeparlamentarit Kadri Veseli, i cili ia kujtoi deputetit Milaim Zeka që profesori Ukshin Hoti ende nuk është shpallur i vdekur dhe ende i takon kategorisë së personave të zhdukur gjatë luftës në Kosovë.
Në linkun e mëposhtëm mund ta ndiqni seancën parlamentare ku do të diskutohet për gjenocidin serb në Kosovë.
http://www.kuvendikosoves.org/?cid=1,1029
