- Advertisement -
Feronikeli ka arkëtuar tri pikë të reja, në ndeshjen ndaj Gjilanit, të zhvilluar në “Rexhep Rexhepi”.
Klubi nga Drenasi, shënoi fitore të sigurtë, 2-0, në ndeshjen e zhvilluar sot ( e shtunë).
Ndeshjen e hapi sulmuesi në top formë, Kastriot Rexha, i cili realizoi me kokë, në minutën e 11-të.
Pas një depërtimi të mirë, Carioca lëshoi një top në drejtim të Rexhës, i cili u pengua në zonë të rreptësisë, me ç’rast u akordua penalti.
Përgjegjësinë e mori Carioca, i cili u tregua i saktë nga pika e bardhë, për të shënuar për 2-0, në minutën e 38-të.
Ky ishte edhe goli i fundit në ndeshje, pasi në pjesën e dytë, Feronikeli luajti lojë më të matur, duke mos rrezikuar asgjë.
Pas 29 xhirove të Superligës, Feronikeli tashmë ka grumbulluar 68 pikë dhe i prinë tabelës.
- Advertisement -
