ShFMU “Rilindja”, në fshatin Dritan bëhet pjesë e projektit për ndarjen e mbeturinave në burim
Komuna e Drenasit po vazhdon me zgjerimin e shtrirjes së sistemit për ndarjen e mbeturinave të reciklueshme në burim edhe në shkollat tjera.
Nxënësit e ShFMU “Rilindja”, në fshatin Dritan do të kenë mundësi që tani e tutje mbeturinat e reciklueshme t’i ndajnë nga mbeturinat tjera që në burim pasi që shkolla sot u pajis me kontejnerët e verdhë për këtë qëllim dhe u bë pjesë e projektit për ndarjen e mbeturinave në burim.
Kjo shkollë gjithashtu themeloi Klubin e Gjelbër përmes së cilit shkolla do ta zhvillojë çdo aktivitet mjedisor me qëllim që nxënësit të pajisen me njohuri, shkathtësi për mbrojtjen dhe ruajtjen e mjedisit si dhe për ngritjen e vetëdijes dhe mobilizimin e nxënësve, mësimdhënësve e komunitetit për përmirësimin e mjedisit ku jetojnë. Për këtë qëllim Klubi i Gjelbër në bashkëpunim me drejtorin e shkollës, stafin e mësimdhënësve dhe nxënësit tjerë mbollën fidanë në oborrin e shkollës.
